Collection OFFER

ملاحظات بعد تحليل المنتجات التي تروج لها الصفحة.

بعد الإطلاع على منتجات حضرتك اللي صفحتك بتعرضها وجدنا ان اكتر المنتجات المتوفره عندك
ماركاتها غير معروفة في السوق بشكل كبير ... والبرندات الخاصة بها غير مشهورة ودي بتعمل نسبة مبيعات قليلة.

الحلول التسويقية:

المنتجات التي يتم ترويجها بتكون عبارة عن نوعين

النوع الآول هو الترويج لمنتج بيكون براند معروف وسعره معروف في السوق وصاحب المنتج بيلعب على منطقة السعر علشان المنافسه ... و الثاني براند غير معروف وده بيحتاج تسويق اكتر في البداية علشان البراند يتعرف وبعدين المبيعات تزيد مع الوقت ومع معرفة الناس بالبراند وكل البراند ما يثبت جودته كل ما يسمع في السوق ومبيعاته تكبر.
بما انك لديك منتجات كتير مش براند لمنتج معين ... ومنتجات حضرتك متغيره ببراندات مختلفه.

المقترحات بتكون كالتالي:

نقترح عليك انك لازم يكون عندك موقع باسم البراند بتاعك الي هو Collection.

يضم كل المنتجات اللي بتشتغل عليها او صفحات بيع لكل منتج على حده ... توصف المنتج وتشرحه بشكل مفصل للعميل اللي هيدخل من إعلان الفيس الى صفحة البيع ... تشرح للعميل كل جزء في المنتج ومدى قوة المنتج بتاعك بالتفصيل الممل ... وتوضح قد ايه العميل لو اشترى المنتج ده هيكون كسبان وموفر فلوس كتير لآن المنتج قيم جداً ... وتعمل مقارنة للمنتج بتاعك مقابل منتجات معروفة في السوق علشان توضح للعميل مدى قوة منتجك وجودته ... بالمختصر المفيد المطلوب انك تجيب العميل عندك علشان تقنعه وده مش هيجي غير بموقع او بصفحات بيع.


طرق تجهيز العميل وإقناعه بعملية الشراء:


أولا: قرار حضرتك بأنك يكون عندك موقع متكامل تجمع فيه جميع منتجاتك تحت اسم Collection ويكبر مع الوقت كبراند خاص بيك ... او يكون عندك صفحات بيع منفصلة متصلة خاصه بكل منتج على حده مع اساليب مختلفه لزيادة المبيعات.


ثانياً: ان حضرتك تعمل لكل صفحة بيع او منتج على موقعك عروض لزيادة المبيعات بمعني ان العميل بعد ما يشتري منتج من عندك يظهر له منتج تاني ذات علاقة وثيقه بالمنتج اللي هو اشتراه وعليه عرض كويس ميتفوتش فبدل ما يشترى منتج واحد يشترى حاجتين او ثلاثة.


ثالثاً: طرق الإعلانات يكون على حسب استهداف العملاء المهتمين اللي ممكن يشترو من حيث الإهتمامات والفئات العمرية المهتمه بما تقدمه من منتجات و الإمكانيات الإقتصادية وده بيكون على حسب سعر المنتج المراد بيعه, بالأضافه لأن يكون هناك سعر تنافسي يغري العميل ويشده قبل مرحلة إقناعه.

رابعاً: العميل اللي هيدخل الموقع او صفحات البيع بتاعتك وميشتريش ممكن يتعمله استهداف بالإعلانات عن طريق اعادة الإستهداف بنفس المنتج اللي دخل شافه بس المره دي يكون عليه عرض او خصم لفترة محدودة ... بما انه دخل المره الآولى ومشتراش يبقى اكيد هو مهتم بالمنتج بس السعر غالي عليه فلو عملتله تخفيض لفترة محدودة يبقى في الغالب هيشترى لآنه مهتم فعلا بالمنتج واقتنع بيه.

خامساً: الاستفادة بالداتا اللي هتقدر تجمعها من العملاء اذا كان البكسل او معلومات التواصل الخاصة بكل عميل هيشتري منك ... العميل اللي اشترى منك لو جودة منتجاتك كويسه وعرضت عليه منتج تاني او ثالث بعد ما إشترى منك وعجبته منتجاتك في الغالب هيشترى منك بسهولة لانه وثق فيك وفي منتجاتك.


سادساً: لو محضر صور وفيديوهات وداتا قوية لكل منتج تقدر تروجله بطرق واساليب مختلفه تزودلك مبيعاتك ومع وصولك لأكتر من قناة إعلانية هتقدر تعرف افضل قناة اعلانية هتعمل معاك مبيعات اكبر بتكاليف اقل واول ما توصل للقناة دي هتقدر تركز عليها بشكل اكبر علشان تعمل ارباح أعلى, مش كل البيع الناجح بيكون على الفيس بوك فقط. المهم تعرف عميلك فين وازاي توصله.


ايه اللي ممكن نقدمهولك؟

* ممكن نعمل لحضرتك موقع ونكتبلك محتوى تسويقي لكل منتج يكون فيه كل أساليب إقناع العميل المذكورة بالأعلى. 

* او نعمل لحضرتك صفحات خاصة بكل منتج او المنتجات اللي انت عايز تركز حملاتك التسويقية وعروضك عليها مع عمل طرق UP Sell او Down Sell عليها وتركيب البكسل الآزم على حسب القنوات الا علانية المطلوب الترويج من خلالها.

* عمل أفكار تسويقية وبنرات اعلانية للحملات الترويجية.

* ندير حملاتك الإعلانية على الفيس بوك او جوجل بمقابل شهري, مع تزويدك بتقارير لأفضل القنوات الإعلانية التي تأتي اليك بأفضل مردود إعلاني.


الباقات المقترحة

Basic

عـرض لإنشاء صفحات كاملة لمنتج 

ج.م

 

1.500


  • عمل صفحات  لمنتج واحد
  • كتابة محتوى مقنع للعميل عن المنتج
  • عروض بعد الشراء لزيادة المبيعات
  • عمل دائرة جمع بيانات العميل 
  • وضع بكسل الإعلانات للتجهيز للإعلانات
  • رفع الصفحة على سيرفر قوي 
Private

عـرض لإدارة محتوى وإعلانات فقط 

ج.م

3.000

/mo

  • عمل بنرات إعلانية مختلفة الأفكار
  • كتابة محتوى يخدم الأفكار الإعلانية 
  • عمل تصميمات تخدم الأفكار التسويقية
  • تجربة أكثر من قناة إعلانية مختلفة
  • استهداف العملاء المحتملين
  • عمل تيست للأفكار التسويقية
  • عمل تحليلات مستمرة للحملات
  • عمل تحسينات للوصول لأفضل نتائج

باقة إدارة الإعلانات تكون شهرية ... أما باقة البرمجة والتصميم تكون لمرة واحدة ... يمكنك إختيار باقة تصميم وبرمجة الصفحات أو الموقع مع باقة إدارة الإعلانات... أو أي باقة تريد من الثلاثة باقات.

جميع الباقات مقابل البرمجة والتصميمات وإدرة الإعلانات فقط ... تكلفة الحملات الإعلانية ترجع لإمكانيات العميل وإستهدافه لشرائح العملاء المختلفة

Amir Abdo // تحياتي لكم

Click 2 Shop
Logo
Shopping cart